=’width=device-width, initial-scale=1, maximum-scale=1′ name=’viewport'/> SOM-સોમ: સોમ સંગ્રહ-૩૫

સોમ સંગ્રહ-૩૫

અહાલેક

દિલમાં અનુભવના ખજાનાને સજાવી રાખો!
પાનખર આવ્યા કરે,બાગ બચાવી રાખો!

--આપણે હોળી-દિવાળી બધું જ સરખું છે,
કોઈ પણ રીતે બસ ઉત્સાહ ટકાવી રાખો!

--જો જો, ક્યારેક તો મળશે જ તેઓ સામેથી,
માત્ર શ્રદ્ધાની અહાલેક જગાવી રાખો!

--આવવું જ પડશે કદી એ જ સ્વરૂપે એને,
એક નિશ્ચિત જો મૂરત મનમાં બનાવી રાખો!

--દર્દને એક તપસ્યા જ માની લો 'રાહી'!
કો'ક્ દી ફળશે ,ફક્ત ધૂણી ધખાવી રાખો!

રાહી ઓધારિયા