સોમ સંગ્રહ - ૬૫

આપણે ભરોસે આપણે હાલીએ.

આપણે ભરોસે આપણે હાલીએ.

એક મહેનત ના હાથ ને ઝીલીએ હો ભેરુ ............આપણે ભરોસે

ખુદ નો ભરોસો નથી ખુદા નો ભરોસો નકામો.

છોને એકતારો ગાઈ ગાઈ ને કહે તારે ભરોસે રામ.

એતો ખોટું રે ખોટું પિછાનીએ ઓ ભેરૂ ..................આપણે ભરોસે

બાહુ માં બળ ભરી હૈયા માં હામ ભરી.

સાગર માં જયારે ઝુકાવીએ.

આપણા વહાણના શઢ ને સુકાનને આપણેજ હાથ સંભાળીએ.........આપણે ભરોસે.

કોણ રે ડુબાડે વળી કોણ રે ઉગારે.

કોણ લઇ જાય સામે પાર.

એનો કરવૈયો કોઈ બહાર નથી આપણે જ આપ ને પિછાનીએ ઓ ભેરૂ .........આપણેભરોસે .

વેણીભાઈ પુરોહિત.