Gujarati Bhajan-Narsinh Mehata-ગુજરાતી ભજનો-નરસિંહ મહેતા-૭







મેહુલો ગાજે ને માધવ નાચે,
રૂમઝૂમ વાગે પાયે ઘૂઘરડી રે,


તાલ પખાજ વગાડે રે ગોપી,
વહાલો વગાડે વેણુ વાંસલડી રે……... મેહુલો ગાજે ને


પહેરણ ચીર, ચરણા ને ચોળી,
ઓઢણ આછી લોબરડી રે;


દાદુર, મોર, બપૈયા બોલે,
મધુરી શી બોલે કોયલડી રે………….. મેહુલો ગાજે ને


ધન્ય બંસીવટ, ધન જમુનાતટ,
ધન્ય વૃંદાવનમાં અવતાર રે;


ધન્ય નરસૈયાની જીભલડીને,
જેણે ગાયો રાગ મલ્હાર રે……………..મેહુલો ગાજે ને